輪廓嘅重要性，真係可以令到一個人睇落去瘦啲！
又到咗一個月一次，員工借塊面俾人練習嘅時候。今日護士們要練習嘅係一部叫HIFU嘅機，上司心理戰知丫仁一直都好想做HIFU(ハイフ＝high Fu）所以同我講係做啲部機之前做晒今日所有嘢就可以去，所以我舉手實牙實齒話一定要做完！
感覺真係好似被無數嘅靜電放電電你皮膚裡面，比無數又細又長嘅針拮到入肉咁痛。唔係每個位都係，小弟就係面頰同埋下巴痛到痛不欲生先至發出一種聲音，護士們當然梗係笑到七彩啦！但我可以真心講我唔係為做效果先發出呻吟聲，因為真係酸軟骨痛由內到外再度返內嘅深層刺激。個感覺就好似推你皮膚上去，再要用釘書機定位慨念，做完之後依家FEEL到牙骹疫軟，仲有少少肌肉痛嘅感覺！
講多個小秘密比大家聽，之前朋友做完嘅時候我都唔知點讀HIFU，結果用日文羅馬拼音讀咗皮膚（ひふ）笑到依家，直到永遠！
ピリピリ=被針拮灼痛嘅感覺
#美容男子
#美容大叔
#靚佬仁
Search